Në Shkup tre persona u arrestuan për shkeljen e "orës policore", banorët dalin në rrugë - Bota Sot
Në Shkup tre persona u arrestuan për shkeljen e "orës policore", banorët dalin në rrugë

Shkupi

Në Shkup tre persona u arrestuan për shkeljen e "orës policore", banorët dalin në rrugë

Më: 14 prill 2020 Në ora: 07:43
Pamje nga vendi i ngjarjes

Në Hasanbeg të Shkupit policia ka prangosur tre persona sepse kanë thyer orën policore, ndërsa banorët janë përgjigjur duke dalë në rrugë për të kërkuar lirimin e tyre dhe në këtë mënyrë kanë thyer edhe orën policore. Sipas të dhënave të para ata kanë dëmtuar dhe vjedhur barrierat në rrugë që shërbenin për të ulur shpejtësinë e veturave. Ndërkohë turma është shpërndarë para pak minutash.

“Hasanbegu respekton orën policore, unë çdo natë dal dhe shoh, nuk ka pasur kurrfarë problemi. Por kjo sonte nuk e di pse ndodhi. Policia të sillet pak më mirë, se po sillet shumë keq. Tash një muaj nuk ka pasur probleme, nuk di se si erdhi deri te ky moment. Netëve tjera nuk kishte problem, ka lëvizur ndonjë fëmijë, ka shkelur orën policore, por problem më të madh nuk ka pasur”, tha kryetari i Bashkësisë Lokale të Hasanbegut.

Ndërkohë sa u përket pengesa për ndalim të shpejtësisë sipas kreut të Bashkësisë Lokale të Hasanbegut, janë vendosur me iniciativë dhe kontribut të vet banorëve dhe nuk ka arsye që banorët t’i heqin apo mënjanojnë këto pengesa.

Sot mund të lexoni Shfletoni kopertinat