Shkup – Veri ka gaz vetëm për tri ditët e ardhshme, EMV nuk do t’u japë para për shkak të borxheve nga viti i kaluar

Shkupi

Shkup – Veri ka gaz vetëm për tri ditët e ardhshme, EMV nuk do t’u japë para për shkak të borxheve nga viti i kaluar

Më: 17 tetor 2022 Në ora: 19:56
Foto ilustrim

EMV nuk do t’i japë para ngrohjes Shkup-Veri për shkak të borxheve nga sezoni i kaluar i ngrohjes.

Drejtori Kushtrim Ramadani edhe një herë i ka bërë thirrje organeve që të gjejnë një mënyrë për të ndihmuar sepse ka vetëm gaz për 3 ditët e ardhshme.

Ai thotë se deri në fund të marsit kanë në dispozicion 1 milion euro për blerjen e energjisë termike, por me çmimet aktuale në bursë, supozimet janë që shpenzimet të paktën të dyfishohen.

Drejtori i SHA EMV Vasko Kovaçevski, tha se kur Shkup – Veri t’i paguajë borxhet nga viti i kaluar, vetëm atëherë do ta ndihmojnë financiarisht ose përmes blerjes së gazit.

“Sa i përket termocentralit Veri, ne si kompani kemi lidhur marrëveshje me termocentralin Veri vitin e kaluar, një marrëveshje për bashkëpunim afarist dhe teknik, e cila është e njëjta marrëveshje, formalisht dhe juridikisht nuk është finalizuar sepse pronari “Toplifikacija AD Sever” ende nuk e ka nënshkruar marrëveshjen dhe nuk i ka dhënë grantet e nevojshme për sigurimin e mjeteve që i kemi dhënë vitin paraprak për blerjen e gazit natyror që është rreth 23 milionë denarë”, tha Vasko Kovaçevski.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat