Kryemadhi uron Krishtlindjen me mesazhin e veçantë

Shqipëria

Kryemadhi uron Krishtlindjen me mesazhin e veçantë

Më: 25 dhjetor 2020 Në ora: 16:48
Kryemadhi uron Krishtlindjen me mesazhin e veçantë

Kryetarja e LSI, Monika Kryemadhi, me anë të një mesazhi në Facebook u ka uruar Krishtlindjen besimtarëve të krishterë.

"Çfarë Krishtlindjesh: Në heshtje të detyruar nga pushteti tokësor; në distancim fizik prej frikës së infektimit; pa darka e festime familjare; pa festime entuziaste; me orë të gjata nëpër pavionet e spitaleve; me lot pa fund për mungesën e shumë të dashurve që nuk jetojnë më; e gjithë kjo fryt i PANDEMISË qe nuk don me na lanë me e shiju ftesen e Ëngjejve".
 

Mesazhi i plotë i Kryemadhit:

“Çfarë Krishtlindjesh! Besojmë apo nuk besojmë, bukuria e këtij Misteri e përfshin në plotësi krejt ekzistencën tonë, sepse Biri i Hyjit futet në historinë e botës nëpërmjet një shpell të ftoftë, të varfër dhe aspak komode.

Çfarë Krishtlindjesh: Në heshtje të detyruar nga pushteti tokësor; në distancim fizik prej frikës së infektimit; pa darka e festime familjare; pa festime entuziaste; me orë të gjata nëpër pavionet e spitaleve; me lot pa fund për mungesën e shumë të dashurve që nuk jetojnë më; e gjithë kjo fryt i PANDEMISË qe nuk don me na lanë me e shiju ftesen e Ëngjejve –

MOS KINI FRIKË.

Uroj që përtej të gjitha situatave që mund të jemi duke kaluar, kjo Krishtlindje të jetë e Shenjtë duke ju mbush të gjitha hapësirat e zemrës tuaj me praninë e Atij që ka ardhë për me i dhënë ngrohtësi shpellës së ftohtë që koha ka krijue në ne.

Për shumë mot Krishtlindje me zemer të mirë”

comment Për komente lëvizni më poshtë
Sot mund të lexoni Shfletoni kopertinat