Autori u lirua/ Oficerja e policisë kërcënon me jetë prokurorin që hetoi vrasjen e burrit të saj

Shqipëria

Autori u lirua/ Oficerja e policisë kërcënon me jetë prokurorin që hetoi vrasjen e burrit të saj

Më: 22 janar 2021 Në ora: 12:04
Ilustrim

Prokurori i rrethit gjyqësor Tiranë,  Bajram Breçani është kërcënuar me jetë, pasditen e djeshme.

Sipas Top Channel, prokurori ishte i ulur në një lokal përball shkollës ‘Harry Fultz’ në momentin që është kërcënuar. Po ashtu është zbuluar edhe identiteti i kërcënueses, e cila është një grua me inicialet, M.B. Kjo e fundit mban detyrën e oficeres së Policisë dhe është gruaja e të ndjerit Arben Bilali.

Prokurori që është kërcënuar ka hetuar vrasjen e bashkëshortit të saj, Arben Bilalit. I dyshuar i kësaj vrasje ka qenë Gjergj Cukali, ku ndonëse prokurori e ka arrestuar për ngjarjen, Gjykata e Apelit i ka dhënë lirinë.

Gruaja e viktimës Bilali, edhe pse vendimin e ka dhënë Gjykata e Apelit dhe ka liruar Cukalin, e  kërcënon për herë të tretë Prokurin e çështjes.

I kontaktuar nga gazetarja e Top Channel, Anila Hoxha, Prokurori Bajram Breçani tha ” Kam njoftuar drejtuesit e policisë së shtetit Ardi Veliu, dhe zyrtarë të tjerë në lidhje me ngjarjen e ndodhur dhe pres prej tyre reagim ligjor. U kërcënova për shkak të detyrës dhe kjo është hera e tretë, për një çështje për të cilën vendimarrja ka qenë tërësisht e gjykatës”.

Shfaq komentet
comments powered by Disqus
Sot mund të lexoni Shfletoni kopertinat