Rrëzohet kërkesa e LSI, KQZ nuk ndëshkon deputetin socialist që shkeli ligjin

Shqipëria

Rrëzohet kërkesa e LSI, KQZ nuk ndëshkon deputetin socialist që shkeli ligjin

Më: 22 janar 2021 Në ora: 15:41
Foto Ilustrim

Komisioni i Ankimimeve dhe Sanksioneve në KQZ ka rrëzuar kërkesën e LSI-së për të ndëshkuar deputetin Bujar Ccela, i cili është kapur në shkelje të rregullave, duke shpërndarë leje legalizimi.

KQZ ka vendosur që ti kërkojë Kadastrës që të mos ftojë deputetët deri në datën e zgjedhjeve që të marrin pjesë në shpërndarjen e lejeve.

Deklarata e plotë e KQZ-së

Komisioni i Ankimimeve dhe Sanksioneve shqyrtoi Kërkesën Ankimore nr. 01 me objekt ‘Ndryshimi i Vendimit të Komisionerit Shtetëror të Zgjedhjeve nr.7 datë 14.01.2021’ me ankues, z. Arben Qalliu dhe Kërkesën Ankimore nr. 02 me objekt ‘Ndryshimi i Vendimit të Komisionerit Shtetëror të Zgjedhjeve nr.7 datë 14.01.2021’ me ankues, Partia Lëvizja Socialiste për Integrim.

Në përfundim të shqyrtimit Komisioni i Ankimimeve dhe Sanksioneve vendosi ndryshimin e vendimit nr. 7, datë 14.01.2021, të Komisionerit Shtetëror të Zgjedhjeve dhe pranimin e ankimit të Arben Qalliu lidhur me vendosjen e sanksionit administrativ, si edhe rrëzimin e ankimimit Lëvizjes Socialiste për Integrim lidhur me vendosjen e sanksionit administrative ndaj deputetit Bujar Çela.

Gjithashtu, KAS vendosi që Komisioneri Shtetëror i Zgjedhjeve të informojë Agjensinë Shtetërore të Kadastrës dhe t’i kërkojë që, në respektim të standardit të zgjedhjeve dhe neutralitetit të administratës publike, deputetët, deri në datën e zgjedhjeve të mos ftohen në veprimtaritë rutinë të administratës qendrore dhe vendore të tij, të cilat zhvillohen nëpërmjet kontaktit, komunikimit dhe bashkëpunimit me zgjedhësit.

commentFirst article
Sot mund të lexoni Shfletoni kopertinat