Këlliçi takim me strukturat e LDG-së Kombinat

Shqipëria

Këlliçi takim me strukturat e LDG-së Kombinat

Më: 15 shkurt 2021 Në ora: 23:47
Foto nga takimi

Kryetari i FRPD-së Belind Këlliçi ka vijuar me takimet në zonën e Kombinatit, ku sot është takuar me gratë dhe vajzat e Lidhjes Demokrate të Gruas.

‘Jam i vetëdijshëm për të gjitha vështirësitë që kanë, nga papunësia te kostoja e lartë e jetesës, nga ushqimet e shtrenjtuara të shportës tek tarifat e larta të shkollimit për fëmijët e tyre. Askush më shumë se zonja e shtëpisë nuk i njeh hallet e familjes. Janë të parat që kuptojnë rritjen e çmimeve dhe pamundësinë për të kënaqur kërkesat e fëmijëve’, shkruan Këlliçi në Facebook.

Postimi i plotë i Belind Këlliçit:

I nderuar që isha pjesë e diskutimit me zonjat dhe vajzat e Lidhjes Demokrate të Gruas, Dega 6 Kombinat.

Jam i vetëdijshëm për të gjitha vështirësitë që kanë, nga papunësia te kostoja e lartë e jetesës, nga ushqimet e shtrenjtuara të shportës tek tarifat e larta të shkollimit për fëmijët e tyre. Askush më shumë se zonja e shtëpisë nuk i njeh hallet e familjes. Janë të parat që kuptojnë rritjen e çmimeve dhe pamundësinë për të kënaqur kërkesat e fëmijëve.

Studentet vajza dominojnë numrin e personave me arsim të lartë në Shqipëri. Kush gjen punë punon. Punon për t'iu hequr prindërve barrën e shkollimit. Punon për të paguar një kurs a trajnim që duhet nesër. Të gjitha këto sakrifica i bëjnë për shkollimin.

Prandaj angazhimi i tyre politik e nderon PD.

Programi ynë ka në qendër familjen dhe të rinjtë.

Të bashkuar, pa dallime gjinore, ne do ta fitojmë betejën me varfërinë dhe shkaktarët e saj!

Më 25 Prill fitojmë ne! 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat