Ministria e Shëndetësisë publikon shifrat: 6 persona humbën jetë nga Covid

Shqipëria

Ministria e Shëndetësisë publikon shifrat: 6 persona humbën jetë nga Covid

Më: 10 prill 2021 Në ora: 18:12
Foto ilustrim

Gjashtë persona kanë humbur jetën si pasojë e Covid-19, ndërsa në 24 orët e fundit janë regjistruar 360 raste të reja.

Në njoftimin e fundit, Ministria e Shëndetësisë raporton se janë kryer 3342 testime. Ndërsa raportohet për 534 persona, të cilët janë shëruar.

Ministria e Shëndetësisë dhe Mbrojtjes Sociale u bën apel të gjithë qytetarëve të mos e ulin vigjilencën dhe të vijojnë të zbatojnë rregullat për parandalimin e COVID19: Vendosni maskën mbrojtëse në çdo ambient jashtë shtëpisë, shmangni grumbullimet, ruani distancimin fizik; kujdesuni për higjenën vetjake dhe vetëizolohuni kur dyshoni se jeni të prekur nga COVID19.

Njoftimi i ministrisë

Situata e COVID19 në 24 orët e fundit është si vijon: Janë kryer 3342 testime, nga të cilat kanë rezultuar pozitivë 360 qytetarë.

Rastet pozitive të konfirmuara janë identifikuar në këto bashki:  64 raste në Tiranë, 40 raste në Korçë, 34 raste në Fier, 20 raste në Elbasan, 17 raste në Krujë,  16 raste në Durrës, Vlorë, 12 raste në Lushnje, Gjirokastër, 11 raste në Berat, Skrapar, 10 raste në Kavajë, Librazhd, 7 raste në Shkodër, Ura Vajgurore, 6 raste në Malësi e Madhe, Peqin, 5 raste  në Pogradec, Sarandë, Dibër, 4 raste në Devoll, Kukës, Has, Patos, 3 raste në Mirditë, Tropojë, Delvinë, Dropull, 2 raste në Krubin, Lezhë, Selenicë, Libohovë, 1 rast në Pukë, Mallakastër, Kamëz, Vau i Dejës, Divjakë, Roskovec, Gramsh, Finiq, Cërrik, Poliçan.

Në 24 orët e fundit janë shëruar 534 qytetarë, duke e çuar numrin e të shëruarve në 97,206 që nga fillimi i epidemisë.

Aktualisht në spitalet COVID në Tiranë dhe tre spitalet rajonale po trajtohen 227 pacientë, 13 në terapi intensive, nga të cilët 5 pacientë janë të intubuar.

Me gjithë përpjekjet e stafit mjekësor, 6 qytetarë e kanë humbur betejën me COVID19:  2 qytetarë nga Durrësi, 1 qytetar nga Tirana, 1 qytetar nga Kruja, 1 qytetar nga Elbasani, 1 qyetetar nga Shkodra, të moshave 68 – 83 vjeç. Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve.

Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë. Telefononi në numri 127 të Urgjencës Kombëtare për çdo emergjencë apo referim në spital.

Statistika (10 Prill 2021)

Raste të reja ditore        360

Të shëruar në 24 orë     534

Të shtruar në spitale      227

Humbje jete në 24 orë    6

Testime ditore                3342

Testime totale            586,923

Raste pozitive             128,155

Raste të shëruara         97,206

Raste Aktive                 28,639

Humbje jete                  2,310

 

 

Shpërndarja gjeografike e rasteve aktive sipas qarqeve:

Tiranë   20157

Fier      2509

Durrës  1208

Gjirokastër  1197

Shkodër  1010

Korçë   730

Vlorë     691

Kukës    342

Dibër    346

Elbasan  248

Berat    100

Lezhë     101

Shfaq komentet
comments powered by Disqus
Sot mund të lexoni Shfletoni kopertinat