Tha se kishte miratuar bashkë me Vuçiqin idenë për ndryshimin e kufijve, Edi Rama i reagon medias austriake

Shqipëria

Tha se kishte miratuar bashkë me Vuçiqin idenë për ndryshimin e kufijve, Edi Rama i reagon medias austriake

Më: 3 maj 2021 Në ora: 12:53
Edi Rama

Kryeministri i Shqipërisë, Edi Rama përmes një postimi në rrjete sociale ka shprehur zhgënjimin në lidhje me gazetën e njohur austriake derStandard me një lajm për dokumentin “non paper” të publikuar më parë për ndryshimin e kufijve në Ballkan.

Rama thotë se asnjëherë nuk ka mbështetur ndonjë ndryshim kufiri mes Serbisë dhe Kosovës.

““DerStandard”, çfarë zhgënjimi të shikosh një gazetë me reputacion kaq të lartë që të sillet si përhapës i lajmeve të rreme! Nuk kam thënë asnjë herë ndonjë gjë në lidhje me “non paper-in dhe hartën” dhe kurrë nuk kam mbështetur ndonjë ndryshim kufiri ndërmjet linjave etnike mes Serbisë dhe Kosovës. E turpshme”, shkruan Rama.

Image

Por çfarë thuhet në artikullin, që solli reagimin e Kryeministrit shqiptar. Bëhet fjalë për një shkrim të botuar më 27 Prill, ku ndër të tjera thuhet:

“Kryeministri shqiptar Edi Rama i tha medias shqiptare se ai e kishte parë ‘non paper’-in dhe hartën me ndryshimet e propozuara të kufirit. Vetë Rama, së bashku me Vuçiç dhe lobistë, miratuan ndryshimin e kufijve përgjatë vijave etnike midis Kosovës dhe Serbisë tre vjet më parë”.

Shfaq komentet
comments powered by Disqus
Sot mund të lexoni Shfletoni kopertinat