I iku policisë me pranga në duar, përlotet 37-vjeçari nga arratia: Everestin e kisha shok, pse erdha nga Spanja

Shqipëria

I iku policisë me pranga në duar, përlotet 37-vjeçari nga arratia: Everestin e kisha shok, pse erdha nga Spanja

Më: 14 maj 2021 Në ora: 18:35
Mirjan Dedja

Mbrëmjen e vrasjes së 41-vjeçarit Everest Caka në lagjen “Skëndërbej” në Elbasan, RENEA zbarkoi atje dhe nisi shoqërimet e personave që mund të kenë dijeni mbi ngjarjen, apo që mund të kenë qenë të implikuar.

Një prej shumë të arrestuarve ka qenë dhe 37-vjeçari Mirjan Dedja. Ai u shoqërua nga policia e Elbasanit teksa po qëndronte në banesën e tij për dyshimet se mund të ishte i implikuar për vrasjen e Everest Cakës. Ai u mbajt më tepër se 36 orë në komisariat dhe  dha deklaratë ku tregon të gjithë alibinë dhe i tregon policisë së Elbasanit të gjithë itinerarin e asaj dite.

Mirëpo ndonëse i riu këmbëngul se ka kamera sigurie që vërtetojnë të gjithë agjendën e tij gjatë kësaj dite, blutë e mbajtën në ambientet e policisë dhe ai tani është person i shpallur në kërkim.

I riu në përfundim të më se 36 orëve u arratis nga policia e Elbasanit dhe i jep apel policisë së Shtetit, Prokurorisë dhe çdo autoriteti të drejtësisë që të angazhohen seriozisht për të zbardhur ngjarjen pasi sipas tij kishte miqësi me Everest Ibrahim Cakën dhe ka ardhur nga Spanja për të ndihmuar vëllain e tij të ekstraduar dhe anëtarët e familjes.

“E kam pasur shok Everestin dhe kaq. Më kanë mbajtur 36 orë në polici. Ia kam thënë me detaje se ku kam qenë, kam qenë tek burgu se më është transferuar vëllai nga Italia. I thashë kam qenë në Myslym Shyr dhe nga aty kam qenë në Elbasan, nga Elbasani në Tiranë dhe aty jam takuar me një shokun tim. Nuk kam lidhje me asnjë grup kriminal. I kam të gjithë shokë. Njerëzit që kanë konflikte me njëri-tjetrin nuk dua t’ia di fare se çfarë bëhet në Elbasan. Kam ardhur nga Spanja vetëm për vëllain tim sepse ka të drejtë t’i ulet dënimi me ligjin shqiptar sepse unë interesohem për familjen time. Vetëdorëzohem me kusht që të lirohem prap”, tha Mirjan Dedja i përlotur në një intervistë për gazetaren e Anila Hoxha.

Shfaq komentet
comments powered by Disqus
Sot mund të lexoni Shfletoni kopertinat