Vendimi i Kushtetueses për përplasjen Rama-Meta, reagon LSI

Shqipëria

Vendimi i Kushtetueses për përplasjen Rama-Meta, reagon LSI

Më: 25 maj 2021 Në ora: 17:48
Nënkryetari i LSI, Petrit Vasili

Nënkryetari i LSI, Petrit Vasili, reagon pas vendimit të Gjykatës Kushtetuese lidhur me kompetencat mes kryeministrit Edi Rama dhe presidentit Ilir Meta për mosdekretimin e Gent Cakajt si ministër i Jashtëm.

Teksa Gjykata Kushtetuese theksonte se “kompetencat për emërimin dhe shkarkimin e ministrit ndahet ndërmjet tre organeve, Kryeministrit, Presidentit dhe Kuvendit”, Vasili shkruan në “Facebook” se vendimi i Kushtetueses tregoi se qëndrimi i presidentit Meta ishte plotësisht kushtetues lidhur me mosemërimin e Cakajt si ministër i Jashtëm.

“Gjykata Kushtetuese rrezon Edi Ramen! Qendrimi i Presidentit Meta plotesisht kushtetues lidhur me mosemerimin e Gent Cakes si Minister i Jashtem.

Gjykata Kushtetuese pushoi sot ankimin e Rames ne Kushtetuese sepse mosmarrveshja nuk ekziston. Mosmarrveshjet i shpik vetem Edi Rama per te rrembyer pushtet qe nuk i takon. Matuflleku i Rames mori shuplaken, qe meriton si cdo sharlatan, qe kerkon ne menyre halucinante te rrembeje çdo pushtet”, shkruan Vasili.

comment Për komente lëvizni më poshtë
Sot mund të lexoni Shfletoni kopertinat