Ministrja e Shëndetësisë dhe Mbrojtjes Sociale, Ogerta Manastirliu ka reaguar pas vendimit të BE për të hequr kufizimet me Shqipërinë, por jo vetëm, edhe Serbinë e Maqedoninë e Veriut.
Në një postim në facebook, Manastirliu shkruan se ky është një lajm i shumëpritur për të gjithë shqiptarët, por në të njëjtën kohë edhe një shenjë e mirë se po shkojmë drejt normalitetit që të gjithë dëshirojmë.
Postimi i plotë:
Lajm i mirë
Dakordësia e vendeve të Bashkimit Europian për të hequr kufizimet e udhëtimit për Shqipërinë është padyshim një lajm i mirë
Një lajm i shumëpritur për të gjithë shqiptarët por edhe një shenjë e mirë se po shkojmë drejt normalitetit që të gjithë dëshirojmë
Por sërish një apel për të gjithë qytetarët: Të mos e ulim vigjilencën, në këto metra të fundit drejt daljes nga tuneli i gjatë i pandemisë.
