Basha i vendosi objektiva, këta 15 drejtuesit politikë nuk ia dolën

Shqipëria

Basha i vendosi objektiva, këta 15 drejtuesit politikë nuk ia dolën

Më: 21 qershor 2021 Në ora: 17:08
Lulzim Basha

Partia Demokratike hyri në zgjedhjet e 25 prillit me objektivin për të marrë 707 mijë vota të cilat do të mund t’i siguronin asaj një numër mandatesh që bashkë me Lëvizjen Socialiste për Integrim të qeverisnin vendin.

Për secilin prej 19 drejtuesve politik, Lulzim Basha kishte përcaktuar objektiva të cilat do të ishin edhe kriteri matës për besimin që i ishte dhënë për të qenë drejtues të listave të kandidatëve për deputetë.

Por nga 15 prej drejtuesve politikë të Lulzim Bashës nuk mundën të përmbushnin objektivin e votave të përcaktuar nga kryedemokrati, rezultat që më pas u reflektua edhe në numrin e mandateve që PD mori në 25 prill.

Këto janë objektivat e përcaktuara nga kryedemokrati për drejtuesit politik, teksa në krah është rezultati që gjithsecili prej tyre ka marrë në zonat që ka mbuluar.

Në listën e drejtuesve politikë që nuk mundën të përmbushin pritshmëritë e demokratëve është edhe lidershipi aktual i Partisë Demokratike, Gazment Bardhi, Edi Paloka dhe Edmond Spaho.

Por shumë më larg objektivave të vendosura nga kreu i demokratëve ka qenë drejtuesi politik i qarkut të Shkodrës, Helidon Bushati.

Udhëheqësi i listës së Shkodrës ka marrë 47.205 vota ose 16.401 vota më pak se objektivi i përcaktuar nga demokratët. Pas tij në listën e personave që janë më larg objektivit të vendosur nga PD është Enkelejd Alibeaj që drejtoi demokratët në Fier. Për ish-ministrin e drejtësisë mungojnë 14.820 vota nga objektivi që ishte 79.500 vota.

Me përjashtim të qarqeve ku matematika e bënte të pamundur marrjen e mandateve të cilat janë reflektuar në rezultatet e dobëta për Flamur Hoxhën më Kukës, Xhelal Mziun në Dibër dhe Tritan Shehun në Gjirokastër, për demokratët rezulton të ketë qenë larg pritshmërive edhe rezultati në Vlorë.

Bujar Leskaj ka marrë 7.972 vota më pak se objektivi që kishte. Edhe në Berat demokratët prisnin një numër më të lartë të votave, ku sipas rezultatit të marrë mungojnë 9971 vota, në qarkun qe e drejtoi Tomor Alizoti.

I vetmi që ka mundur të përmbush pritshmëritë e Lulzim Bashës është kreu i Forumit Rinor, Belind Këlliçi, i cili ka marrë 5.027 vota më shumë se objektivi i  vendosur nga Lulzim Basha.

Mbi vijën e kuqe të vendosur nga Basha renditet edhe Agron Shehaj, Aldo Bumçi dhe Albana Vokshi.

OBJEKTIVAT E VENDOSURA NGA PD PER DREJTUESIT POLITIK

DREJTUESI             OBJEKTIVI                                   REZULTATI

-Xhelal Mziu                  37.000                                               29.020
-Bujar Leskaj                 40.100                                               32.128
-Edmond Spaho            60.455                                               50.479
-Edi Paloka                    64.000                                               63.393
-Gazment Bardhi           60.000                                               57.878
-Enkelejd Alibeaj           79.500                                               64.680
-Tritan Shehu                23.500                                               13.971
-Flamur Hoxha              24.360                                               24.701
-Flamur Noka                34.200                                               33.056
-Grida Duma                 18.300                                               14.064
-Mark Marku                37.000                                              33.998
-Helidon Bushati            63.600                                               47.205
-Aldo Bumçi                   20.450                                               20.897
-Jorida Tabaku             27.700                                               25.696
-Alfred Rushaj               19.450                                               17.463
-Agron Shehaj               24.700                                               25.886
-Belind Këlliçi                17.800                                               22.827
-Albana Vokshi              22.400                                               22.446
-Tomorr Alizoti              33.000                                              23.029

commentFirst article
Sot mund të lexoni Shfletoni kopertinat