GJKKO tërhiqet nga vendim për ish-kryebashkiakun Fatos Tushe dhe grupin e zyrtarëve

Shqipëria

GJKKO tërhiqet nga vendim për ish-kryebashkiakun Fatos Tushe dhe grupin e zyrtarëve

Më: 8 korrik 2021 Në ora: 16:58
Fatos Tushe

Gjykata e Posaçme për Korrupsion dhe Krimin e Organizuar është tërhequr për të marrë vendim për masat për ish-kryebashkiakun Fatos Tushe dhe grupin e zyrtarëve të arrestuar për shpërdorim detyre në Bashkinë e Lushnjës.

Tushe dhe 10 zyrtarët e tjerë u arrestuan me urdhër të SPAK, pasi akuzohen se kanë shpërdoruar me detyrën për një tender të dhënë ndaj një kompanie, pa iu referuar procedurave.

HETIMET

Prokurorët e SPAK kanë dyshime të forta se ish-kryebashkiaku i Lushnjes, Fatos Tushe e ka shpërdoruar detyrën disa herë, jo vetëm duke favorizuar miqtë e tij për të fituar tendera, por edhe duke abuzuar me pasuritë publike. Episodi i parë lidhet me tenderin me vlerë 24 milionë lekësh, për pastrimin e kanaleve vaditëse në rrethinat e Lushnjes, ku nga hetimet rezulton se është favorizuar kompania Euroalb shpk, me të cilët sipas SPAK është lidhur një kontratë fiktive.

comment Për komente lëvizni më poshtë
Sot mund të lexoni Shfletoni kopertinat