Qytetarët këto ditë po përballen me rritje çmimesh duke filluar nga produktet bazë të bulmetit, perimet dhe deri tek kafet në bar-restorante.
Këto pohime mbështeten edhe nga statistikat e indeksit të çmimeve që konfirmojnë se në krahasim me vitin e kaluar vijmë me një rritje 2.1% ku ndikimin më të fortë e ka etur grupi i ushqimeve. Eksperti i ekonomisë, Arbër Agalliu shprehet se ka dy faktorë kryesorë për rritjen e çmimeve:
“E para është hapja e ekonomisë, e cila ka rritur kërkesën për produkte dhe normalisht rriten dhe çmimet. E dyta është barra fiskale shumë e lartë tek bizneset dhe që shkarkohet te konsumatori final”
Nga krahu tjetër kjo rritje çmimesh duhet monitoruar nga autoritetet shprehet ai:
“Po flasim për një rritje nga sot, nesër të çmimeve dhe kjo mund të jetë një mënyrë edhe e tregtarit për të kompensuar humbjet. Duhet që institucionet të monitorojnë me kujdes të ruajnë standardet e produkteve dhe të ofrojnë një çmim që bën sens për konsumatorin shqiptar.”
