Mësohet se Faik Veliu ka qenë duke u shërbyer bagëtive dhe sapo ka dalë nga dera e kasolles është qëlluar me armë zjarri kallashnikov nga i vëllai Flamuri.
Faiku ka marrë tre plumba në trup, një në gjoks dhe dy në bark.
I plagosur është dërguar fillimisht në spitalin e Lushnjes për marrjen e ndihmës së parë mjekësore dhe më pas është nisur për mjekim të specializuar në spitalin e Traumës në kryeqytet.
Gjendja mësohet se paraqitet e rëndë. Autori i dyshuar i plagosjes, i vëllai Flamur Veliu, u arrit të kapej nga policia pak orë më vonë pasi e ndoqi në rrethina.
Pritet marrja e tij në pyetje nga grupi hetimor për të hedhur dritë mbi shkaqet që e çuan që të qëllojë me armë zjarri të vëllanë.
Ndërkohë banorët e fshatit, të cilët i kanë dhënë ndihmën e parë të plagosurit, thonë se nuk kanë dijeni për konflikte mes dy vëllezërve.
"Lashë lopatën dhe pashë të vëllain që po ikte me makinë, gratë ulërinin. Atë po e nxirrnin i vëllai dhe nipi. E ndihmova dhe çuam në Lushnje. Një plumb ka marrë në zemër dhe dy poshtë."
"Mirë kanë shkuar, nuk di gjë."