Aksident, sapo kishte dalë nga spitali, 32-vjeçari përplaset me makinën, zbardhen detajet e para

Shqipëria

Aksident, sapo kishte dalë nga spitali, 32-vjeçari përplaset me makinën, zbardhen detajet e para

Më: 19 tetor 2021 Në ora: 17:30
Ilustrim

Aksident tek rreth-rrotullimi pranë Urës së Goricës në Berat. Motori i picave rreshket dhe përplaset me një makinë, motoçiklisti 32-vjeç në gjendje të rëndë.

Një aksident është regjistruar pak minuta më parë në rreth-rrotullimin në afërsi të Urës së Goricës në Berat. Një 32-vjeçar që shpërndan pizza në qytet ka rrëshkitur me motor dhe është përplasur me një makinë që udhëtonte përpara tij në rrugë.

Përplasja e motorit me targa AP 153 me mjetin tip Volvo me targa AA 323 DJ ka qenë e fuqishme. Pas përplasjes, drejtuesi i motorit Erjon Gjeçi,32-vjeç,është goditur në asfaltin e rrugës, duke marrë plagë të rënda në kokë e trup.

Ai është transportuar në gjendje të rëndë drejt Spitalit të Beratit, ku ndodhet nën kujdesin e mjekëve. Burime spitalore bëjnë me dije se gjendja shëndetësore e 32-vjeçarit paraqitet kritike, për shkak se ai vetëm disa ditë më parë kishte dalë nga spitali, ku kishte kryer një operacion.

Në vendngjarje kanë shkuar forcat e policisë rrugore, që po kryejnë kqyrjen e vendit të aksidentit, ndërkohë që është shoqëruar në polici për të dhënë deklaratën e tij drejtuesi i mjetit tip Volvo, Geri Sulkaj,24-vjeç.Burimet policore në vendngjarje konfirmojnë se shkak për aksidentit është bërë shpejtësia e motorit, që për shkak të lagështirës në rrugë ka rrëshkitur dhe i ka rënë nga prapa furishëm Volvos.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat