Mbyllet burgu i Zaharisë, nis transferimi i të dënuarve në Shënkoll

Shqipëria

Mbyllet burgu i Zaharisë, nis transferimi i të dënuarve në Shënkoll

Më: 27 nëntor 2021 Në ora: 11:09
Foto ilustrim

Ka filluar këtë të shtunë transferimi i personave që vuajnë dënimin në burgun e Zaharisë drejt atij të Shënkollit.

Burgu i Zaharisë në Krujë është vendosur të mbyllet dhe të gjithë të burgosurit me probleme të shëndetit mendor do të kalojnë në godinën e burgut të Shënkollit, në kushte më të mira si dhe në numër më të vogël personash në dhomë.

Janë rreth 320 të burgosur që pritet të transferohen, ndërkohë që gjysma e transferimeve është kryer gjatë ditës së sotme.

Ministri i Drejtësisë Ulsi Manja ka inspektuar këtë mëngjes ambientet ku do të akomodohen pacientët e Zaharisë, duke parë nga afër kushtet dhe masat e marra.

Sipas Manjës qëndrimi i këtyre personave në këto ambiente do të jetë një fazë kalimtare, derisa ata të merren përfundimisht nën përkujdesje nga Ministria e Shëndetësisë.

“Premtuam që Zaharia do mbyllej brenda nëntorit dhe e mbajtëm. Është ditë e bukur, pavarësisht shiut. Falënderoj të gjitha stafet e angazhuara, sidomos ato të Drejtorisë së Përgjithshme të Burgjeve, të IEVP Zahari dhe IEVP Shën Koll për angazhimin e tyre fizik e human edhe në ditët e pushimit, në trajtimin dhe sistemimin e këtyre personave në ambientet e rikonstruktuara të Lezhës”, -ka thënë Manja.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat