Kishte vënë në dispozicion lokalin për lojëra fati, arrestohet 39-vjeçari në Tiranë

Shqipëria

Kishte vënë në dispozicion lokalin për lojëra fati, arrestohet 39-vjeçari në Tiranë

Më: 6 dhjetor 2021 Në ora: 12:27
Foto ilustrim

Policia e Tiranës ka arrestuar një 39-vjeçar i cili kishte vënë lokalin në pronësi të tij në dispozicion për ushtrimin e lojërave të fatit.

Blutë e kryeqytetit bëjnë me dije se u arrestua në flagrancë shtetasi H. K., 39 vjeç, pasi u konstatua duke ushtruar aktivitetin e paligjshëm të lojërave të fatit, nëpërmjet lotarive sportive, në ambientet e lokalit në pronësi të tij, në rrugën “Ferit Xhajko.”

Në cilësinë e provës materiale u sekuestruan një aparaturë dekoder dhe një aparat celular që dyshohet se përdoreshin për ushtrimin e aktivitetit të lojërave të fatit, si dhe një shumë parash që dyshohet se është përfituar nga ky aktivitet i paligjshëm.

Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme, për veprat penale “Organizimi i lotarive të palejuara” dhe “Vënia në dispozicion e lokaleve për lojëra të palejuara”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat