Gjendet i pajetë në mes të rrugës një burrë në Gjirokastër, policia jep detajet e para

Shqipëria

Gjendet i pajetë në mes të rrugës një burrë në Gjirokastër, policia jep detajet e para

Më: 8 dhjetor 2021 Në ora: 10:14
Foto ilustrim

Trupi i pajetë i një 68-vjeçari është gjetur në rrugë nga shërbimet e patrullës së kufirit të gjelbër në Kakavijë.

Sipas njoftimit të policisë paraprakisht dyshohet se shtetasi me inicialet P.S., banues në Gjirokastër, të ketë ndërruar jetë për shkaqe natyrale.

Nga këqyrja paraprake e trupit nuk janë vërejtur shenja dhune në trupin e viktimës.

Ndërkaq, grupi hetimor ka mbërritur menjëherë në vendngjarje dhe po punon për sqarimin e rrethanave të ngjarjes.

“Më datë 08.12.2021, rreth orës 08:30, nga shërbimet e patrullës së kufirit të gjelbër Kakavije, në rrugë, në fshatin Kakavije, Gjirokastër, është gjetur i pajetë, shtetasi P. S., rreth 68 vjeç, banues në Gjirokastër.

Nga këqyrja paraprake e trupit nuk vërehen shenja dhune. Gjithashtu nga veprimet paraprake hetimore, dyshohet se vdekja mund të jetë shkaktuar nga shkaqe natyrore”, njofton policia.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat