Është zbardhur dëshmia e shokut të 29-vjeçarit, i cili mbeti i vrarë pak pas mesnate në Tiranë.
Shoku i viktimës, shtetasi O.D, në deklaratën e tij në polici ka thënë se sherri ka nisur për radhën se kush do të paguante i pari.
Ai ka treguar si ai dhe shoku i tij që mbeti i vrarë Jurgen Duka, kishin shkuar në market dhe aty ishin përballur me autorin, ku të tre ishin klientë.
Debati ka nisur se kush do të paguante i pari, më pas autori ka nxjerrë armën dhe ka qëlluar 29-vjeçarin, plumb që e ka kapur në zemër.
I riu u dërgua në spitalin e Traumës në gjendje të rëndë, ku më pas ndërroi edhe jetë. Duka ishte një person i njohur për policinë shqiptare, pasi ka qenë disa herë i dënuar për vepra të ndryshme penale.
