“Më fal!” Enkeleida Kapedani lutet në seancë, KLGj nuk e përjashton nga drejtësia

Shqipëria

“Më fal!” Enkeleida Kapedani lutet në seancë, KLGj nuk e përjashton nga drejtësia

Më: 17 janar 2022 Në ora: 20:42
Enkeleida Kapedani

Rrjedhja e videove në Tik Tok u mbyll pas fjalës “më fal” që gjyqtarja e Elbasanit nuk hezitoi ta përsëriste disa herë, madje edhe kur KLGJ po shpallte vendimin ajo u shpreh: Kërkoj ndjesë për shqetësimet që kam sjellë.

Por gjyqtarja Enkeleida Kapedani do të provoje për 6 muajt në vazhdim se çdo të thotë të paguhesh me rrogë minimale.

Vendimi u dha pas kërkesës së Inspektoriatit të Lartë të Drejtësisë që pranoi marrëveshjen me magjistraten e cila do të vijojë karrierën e gjyqtares, pasi u vërtetua se Kapedani mësoi si të jetë e kujdesshme me jetën private, nga çështja qe ajo e konsideroi si eksperienca më e keqe e jetës  së saj.

Falja dhe reflektimi por edhe performanca në vendimet gjyqësore, e bindën KLGJ dhe ILD se Enkeleida Kapedani duhet të qëndrojë në drejtësi për t’u shprehur me verdikte.

Inspektoriati deklaroi se për pranimin e marrëveshjes u vlëresua edhe pesha e përgjegjësisë nga Kapedani, pendesa e saj, një kërkesë dorëheqjeje si zëvendëskryetare e Gjykatës së Elbasanit dhe bashkëpunimi me ata që e hetuan dhe e proceduan.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat