U arrestua për 134 kg kokainë, lirohet nga burgu administratori i ‘Massabi Fruits’

Shqipëria

U arrestua për 134 kg kokainë, lirohet nga burgu administratori i ‘Massabi Fruits’

Më: 18 janar 2022 Në ora: 20:56
Foto ilustrim

Erion Peti, i arrestuar në prill për trafik ndërkombëtar droge është liruar nga burgu me vendim të Gjykatës së Apelit Durrës.

Peti u arrestua bashkë me Klajdi Xibrakun pasi në kontejnerin e kompanisë “Masabi Fruits” u gjetën 134 kg kokainë.

Vendimi është marrë nga gjyqtarja, Anita Mici, e cila ka pranuar kërkesën e avokates së Petit, duke e lënë pa asnjë masë shtrënguese.

Erion Peti dhe Klajdi Xibraku nga Tirana, janë aksionerë të kompanisë së eksportit të frutave e quajtur “Massabi Fruits”.

Peti dhe Xibraku të cilët kishin bërë porosinë me banane kanë mohuar të kenë lidhje me sasinë e madhe të drogës.

Kokaina e sekuestruar në Portin e Durrësit në prill 2021 ishte paketuara dhe të stampuara me profilin e Pablo Eskobarit.

Droga e fshehur në kontejnerin me banane të nisur nga Ekuadori, në tregun evropian do të kapte një vlerë që arrin deri në 10 milionë euro.

Kjo është ngarkesa e dytë e madhe e kokainës që kapet vitet e fundit në Shqipëri pas sasisë prej 613 kg në shkurt të 2018 po në kontejner me banane në pronësi të Arbër Çekajt.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat