Rama jep lajmin e mirë për qytetaret dhe subjektet që regjistrojnë mjetet rrugore për herë të parë

Shqipëria

Rama jep lajmin e mirë për qytetaret dhe subjektet që regjistrojnë mjetet rrugore për herë të parë

Më: 24 janar 2022 Në ora: 09:23
Pamje nga video

Kryeministri i vendit, Edi Rama, e ka nisur ditën me një lajm të mirë për të gjithë qytetarët dhe subjektet që regjistrojnë mjetet rrugore për herë të parë.

Me anë të një postimi në "Facebook", kreu i qeverisë thotë se duke nisur nga sot eliminohen të tjera angari, kohë pritjeje e kosto të tepërta për qytetarët e subjektet që regjistrojnë mjete rrugore për herë të parë.

Do të hiqen mbi 60 mijë praktika në vit që kërkonin përkthime e noterizime njehsime me origjinalin nga dokumentet me gjuhë të huaja. Kjo sipas kryeministrit i kursen qytetarëve shqiptarë 300 mln lekë në vit.

Nga data 24 janar DPSHTRR njeh: Dokumentet e origjinës dhe dokumentet teknike në gjuhën angleze

Dokumentet teknike nga prodhuesi nga vendet e BE ose sipas formatit të kodeve të Direktivave të KE

Të dhënat e fitimit të pronësisë sipas deklaratës doganore

“Mirëmëngjes dhe me lajmin e mirë se duke nisur nga sot eliminojmë të tjera angari, kohë pritjeje e kosto të tepërta për qytetarët e subjektet që regjistrojnë mjete rrugore për herë të parë, ju uroj një javë të mbarë”, shkruan Rama.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat