Kryeministri i Shqipërisë Edi Rama ka thumbuar kryeministrit Albin Kurtin për rritjen çmimit të rrymës derisa po replikonte me komentuesit në profilin e tij Facebook në lidhje me rritjen e çmimit të karburantëve.
Një qytetar e pyet Ramën në lidhje me çmimin e lartë të naftës por kreu i qeverisë shqiptare e mohon një gjë të tillë duke thënë se po ta braktiste popullin çmimi i rrymës do të ishte si në Kosovë.
Kryeministri shqiptar pyetet nëse e di se në vend çmimi i naftës është 200 mijë lekë, por Rama ia kthen se një gjë e tillë nuk është e vërtetë.
“Sikur kjo te ishte e vertete sot çmimi i energjise do kishte kercyer përpjete si ne Kosovë apo si ne vende te tjera përreth, por e kundërta është e vërtete, braktisja e popullit nuk ka asnjë lidhje me mua”, shkruan Rama në komentin e tij.
Ndërkohë një tjetër komentues i kujton kryeministrit se ai e ka pyetur për çmimin e naftës dhe jo të energjisë dhe Rama ja kthen se e di se për çfarë është pyetur.
“E di për çfarë me pyeti dhe janë të lidhura bashke gjerat, prandaj edhe nuk duhen pare te shkëputura se arka e shtetit një është”, shprehet ndër të tjera kryeministri.
