Protestë për hartën gjyqësore në Pogradec, penalizohen personat me aftësi të kufizuara

Shqipëria

Protestë për hartën gjyqësore në Pogradec, penalizohen personat me aftësi të kufizuara

Më: 21 shkurt 2022 Në ora: 12:49
Foto ilustrim

Avokatë dhe specialistë të fushës së drejtësisë në Pogradec kanë kundërshtuar Hartën e re Gjyqësore të prezantuar nga Ministria e Drejtësisë dhe KLGJ. Sipas tyre harta e re penalizon viktimat e dhunës në familje, si dhe shton kostot financiare tek qytetarët në mënyrë të veçantë tek ata me aftësi të kufizuara.

Harta e re gjyqësore e prezantuar nga ministria e Drejtësisë dhe Këshilli i Lartë Gjyqësorë vijon të kundërshtohet  nga specialistët dhe avokatët. Pogradeci është një nga qytetet që mbetet pa Gjykatë ndërkohë që aktorët e shoqërisë civile dhe avokatët atje thonë se zhvendosja e Gjykatës në Korçë do të sjellë vështirësi për viktimat e dhunës në familje, kryesisht gratë që kërkojnë urdhër mbrojtjeje.

"Me rritjen e distancës vështirësohet mundësia për të qenë ato prezente atje. Mosprezenca e tyre në seancat gjyqësore rrit riskun për mos marrë vërtetimin e urdhrit të mbrojtjes."

Duke qenë se harta gjyqësore shton koston financiare mbi qytetarët, avokatët e Pogradecit thonë se më të vështirë do ta kenë personat me aftësi të kufizuara e deri tek ata me probleme ekonomike.

"Normalisht për qytetarët e Pogradecit do sjellë një rritje të shumëfishuar të kostove sepse një proces gjyqësor që ndiqet në Gjykatën e Pogradecit, për tu ndjekur në Gjykatën e  Shkallës së Parë Korçë dhe më pan në Apel Tiranë do shumëfishojë kostot," tha avokati Endri Çela.

95 mijë banorët e Pogradecit sipas Hartës së re Gjyqësore pritet që shërbimet e Gjykatave t’i marrin  në Korçë.

Harta e re e cila planifikon shkrirjen e një sërë Gjykatash të shkallëve të para, dhe shkrirjen e të gjithë Gjykatave të Apelit duke e bërë një të vetme, po kundërshtohet gjerësisht në vendin tonë nga ekspertë të fushës së drejtësisë ndërsa ministria e Drejtësisë Dhe KLGJ këmbëngulin për variantin e tyre.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat