"Karbunara”, 5 të arrestuar në Lushnje për trafik droge, sekuestrohen doza kanabisi e kokaine

Shqipëria

"Karbunara”, 5 të arrestuar në Lushnje për trafik droge, sekuestrohen doza kanabisi e kokaine

Më: 19 prill 2022 Në ora: 16:35
Foto ilustrim

Pesë persona janë arrestuar ditën e sotme në kuadër të operacionit "Karbunara".

Policia bën me dije se në kuadër të këtij operacioni janë goditur 2 raste të veprimtarisë kriminale në fushën e narkotikëve, ku në pranga kanë rënë shtetasit: M., 21 vjeç, B. K., 26 vjeç, J. S., 29 vjeç M. M., 17 vjeç, dhe i F. S. (K)., 45 vjeç.

“Gjatë këtij operacioni, në lagjen "Karbunarë", shërbimet e Policisë kanë ndaluar automjetin tip “Benz” me drejtues shtetasin K. M. dhe pasagjerë shtetasit B. K., J. S. dhe M. M. Gjatë kontrollit fizik, shtetasve K. M. dhe B. K. iu janë gjetur dhe sekuestruar, në cilësinë e provës materiale, doza me lëndë të dyshuar narkotike kokainë. “- njofot policia

Po ashtu Gjatë kontrollit të ushtruar në automjetin tip "BMË" që drejtohej nga  45-vjeçari shërbimet e Policisë gjetën dhe sekuestruan një sasi me lëndë narkotike cannabis sativa, të ndarë në doza gati për shitje. 

Materialet procedurale i kaluan Prokurorisë pranë Gjykatës së Shkallës së Parë Lushnjë, për veprime të mëtejshme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat