Plagosi me thikë dy vëllezërit në Sarandë, identifikohet autori

Shqipëria

Plagosi me thikë dy vëllezërit në Sarandë, identifikohet autori

Më: 24 prill 2022 Në ora: 23:51
Foto ilustrim

Një ngjarje e rëndë ka ndodhur mbrëmjen e së dielës në Sarandë, ku një 43 vjeçar ka plagosur me thikë dy vëllezër minorenë.

Burime për Abc bëjnë me dije se janë plagosur D. G 16 vjeç dhe K. G 18 vjeç

Ndërkohë dyshohet se autori i plagosjes së dyfishtë është 43-vjeçari Ibrahim Duda, i cili është person me precendent penal.

Policia ka shpallur në kërkim autorin dhe është vënë në ndjekje të tij.

Njoftimi i policisë:

Në vijim të informacionit paraprak të dhënë më parë, ku shtetasi D. G., 16 vjeç, ishte paraqitur për ndihmë mjekësore në Spitalin e Sarandës, pasi dyshohet se për motive të dobta, është goditur me mjet prerës, ju bëjmë me dije se:

Në këtë konflikt është goditur me mjet shpues, në brinjë dhe shtetasi K. G., 18 vjeç, banues në lagjen nr.4 Sarandë, i cili po transportohet për mjekim më të specializuar në Spitalin e Tiranës.

Në vijim të veprimeve shërbimet e Policisë kanë bërë të mundur identifikimin e autorit, shtetasit I. D., i cili është shpallur në kërkim.

Shërbimet e Policisë po krehin zonën për të bëre të mundur kapjen e autorit.

Grupi hetimor ndodhet në vendngjarje dhe po punon per sqarimin e rrethanave të ngjarjes.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat