Një tjetër qendër masazhesh ‘vatër’ prostitucioni në Tiranë, arrestohet çifti: Punësuan 21-vjeçaren për…

Shqipëria

Një tjetër qendër masazhesh ‘vatër’ prostitucioni në Tiranë, arrestohet çifti: Punësuan 21-vjeçaren për…

Më: 7 maj 2022 Në ora: 13:32
Foto ilustrim

Policia e Tiranës ka goditur një tjetër qendër masazhesh në Tiranë e cila ishte ‘vatër’ prostitucioni. 

Në pranga përfunduan një çift që bashkëjetonin me njëri-tjetrin dhe administronin një qendër masazhesh, në rrugën “Shyqyri Bërxolli”.

Policia tha se ata kishin punësuar shtetasen I. A, 21 vjeçe, e cila do të hetohet në gjendje të lirë për veprën penale “Prostitucioni”.

Njoftimi nga policia Tiranë

Finalizohet operacioni policor i koduar “Couple 1”.

Operacioni, i zhvilluar nga Seksioni për Hetimin e Trafiqeve të Paligjshme.

Shfrytëzonin qendrën e masazheve, për aktivitetin e kundërligjshëm të prostitucionit, vihen në pranga 2 shtetas.

Procedohet penalisht punëtorja e qendrës së masazheve.

Specialistët e Seksionit për Hetimin e Trafiqeve të Paligjshme në DVP Tiranë, në vijim të punës për goditjen e paligjshmërisë, pas një pune të mirëfilltë hetimore, bazuar dhe në informacionet e marra në rrugë operative, organizuan dhe finalizuan me sukses operacionin policor të koduar “Couple 1”, në kuadër të të cilit u bë arrestimi në flagrancë i shtetasve:

– F. D., 39 vjeç dhe M. E., 33 vjeçe (bashkëjetues), për veprat penale “Shfrytëzimi i prostitucionit” dhe “Mbajtja e lokaleve për prostitucion”.

Gjithashtu, u procedua penalisht në gjendje të lirë shtetasja I. A., 21 vjeçe, për veprën penale “Prostitucioni”.

Shtetasit F. D. dhe M. E. administronin një qendër masazhesh, në rrugën “Shyqyri Bërxolli”, në të cilën kishin punësuar shtetasen I. A.

Përveç aktivitetit të regjistruar ligjërisht si qendër masazhesh, në këtë ambient ushtrohej edhe aktiviteti i kundërligjshëm i prostitucionit.

Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat