Akuzat e Ramës ndaj SPAK, Kryemadhi: Ja arsyet përse kryeministri ushtron presion

Shqipëria

Akuzat e Ramës ndaj SPAK, Kryemadhi: Ja arsyet përse kryeministri ushtron presion

Më: 8 maj 2022 Në ora: 06:53
Monika Kryemadhi

Kryetarja e LSI Monika Kryemadhi ka deklaruar se kryeministri Edi Rama po ushtron presion ndaj SPAK dhe se synon të sulmojë integritetin e saj.

Në një reagim në Facebook, Kryemadhi thotë se Ram ushtron presion ndaj SPAK për të mbrojtur kryetarin e Bashkisë së Tiranës, Erion Veliaj.

Statusi:

Ja pse kryeministri Edi Rama po ushtron presion ndaj prokurorisë speciale anti korrupsion (SPAK), e ngritur nga Reforma në Drejtësi e vitit 2016. Atij i duhet të mbrojë kryetarin e Bashkisë Tiranë Erion Veliaj nga prokuroria, për rolin e tij në aprovimin në kundërshtim me Ligjin e Vetëqeverisjes Vendore, të koncesionit 30 vjeçar të inceneratorit të Tiranës. Firma e Veliaj është provë e qartë korrupsioni, ndërsa presioni i Ramës ndaj drejtësisë është sulm i qartë kundër integritetit të saj. Rruga e Shqipërisë drejt BE kërkon drejtësi të pavarur dhe fundin e pandëshkueshmërisë të korrupsionit në nivelet e larta.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat