Zgjedhja e presidentit të ri/ Paloka- Alibeajt: Lojë e turpshme, kandidati i Ramës do dalë nga goja jote dhe e Bashës

Shqipëria

Zgjedhja e presidentit të ri/ Paloka- Alibeajt: Lojë e turpshme, kandidati i Ramës do dalë nga goja jote dhe e Bashës

Më: 9 maj 2022 Në ora: 10:34
Zgjedhja e presidentit të ri/ Paloka- Alibeajt: Lojë e turpshme, kandidati i Ramës do dalë nga goja jote dhe e Bashës

Kryetari i Këshillit Kombëtar të thirrur nga grupi i Rithemelimit, Edi Paloka e quan të turpshme përfshirjen e Enkelejd Alibeajt dhe deputetëve të tjerë në procesin për diskutimet për zgjedhjen e kreut të ri të shtetit.

Përmes një reagimi, Paloka shkruan Rama mbledh mendimet e deputetëve të PS me zarf, ndërsa Alibeaj e bën me e-mail. Paloka thotë s kandidati për president do të jetë i Ramës dhe emri do të dalë nga goja e Lulzim Bashës dhe Enkelejd Alibeajt.

Nga zarfet e grupit te PS tek “zarfet” e grupit Alibeu. Propozimet e Rames shiten si kritere te “opozitës”! Loja e turpshme per te paraqitur Presidentin e Rames si President konsensual, zhvillohet përpara syve te publikut e ne menyren me te trashe. Rama bën sikur mbledh mendimet e deputeteve te PS me zarf, Alibeu ben sikur mbledh mendimet e deputeteve te tij me e-mail. Ne finale, kandidati i Rames do dale nga goja e L.B, E.A … Nuk e di ne se ata deputete (te zgjedhur me votat e demokrateve) qe vazhdojne ndjekin kete rruge, jane thjeshte viktima naive qe po përdoren apo janë me vullnet te plote ne ketë loje ?! Përgjegjësia është e tyre“, shkruan Paloka në Facebook.

Propozimet e grupit parlamentar të PD-së do të diskutohen edhe në mbledhjen e radhës së deputetëve në orën 14:00 ketë të martë, ku pritet të mungojë grupi i “Rithemelimit”, i cili ka hartuar një tjetër rezolutë për qëndrimin e PD për kreun e ri të shtetit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat