Ibsen Elezi përballë Berishës, Rithemelimi njoftim për zgjedhjet në PD

Shqipëria

Ibsen Elezi përballë Berishës, Rithemelimi njoftim për zgjedhjet në PD

Më: 21 maj 2022 Në ora: 19:24
Sali Berisha dhe Ibsen Elezi

Komisioni i Rithemelimit ka njoftuar përmes një deklarate për media se ditën e nësërme në intervalin kohor 08:00 – 18:00 do të zhvillohet procesi i votimit për zgjedhjen e kryetarit të ri të Partisë Demokratike. Në njoftim theksohet se Qendrat e Votimit nuk do të mbyllen derisa të ketë votuar edhe personi i fundit.

Njoftimi i Komisionit të Rithemelimit:

Komisioni i Organizimit dhe Kontrollit të Operacioneve Elektorale pranë Partisë Demokratike njofton se ditën e diel, datë 22 maj 2022, do të zhvillohen zgjedhjet për Kryetarin e Partisë Demokratike të Shqipërisë.

Proçesi i votimit do të nisë në orën 8.00 e do të mbyllet në orën 18.00.

Nëse në orën 18.00 do të ketë anëtarë të PD që ende nuk kanë votuar, Qendrat e Votimit nuk do të mbyllen derisa të ketë votuar edhe personi i fundit.

Kandidatët për Kryetar sipas renditjes në fletën e votimit janë:

Sali Berisha

Ibsen Elezi

Anëtarët e Këshillit Kombëtar të PD do të votojnë në njërën prej dy qendrave të votimit në Selinë Qendrore të Partisë Demokratike, ose në degët ku ata janë të deleguar pasi të kenë njoftuar pranë Komisionit.

Komisioni i Organizimit dhe Kontrollit të Operacioneve Elektorale fton të gjithë anëtarët e PD të bëhen pjesë e procesit të votimit për zgjedhjen e Kryetarit të PDSH me parimin “një anëtar një votë”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat