Zgjedhjet për kryetar të PD/ Komisioni i Rithemelimit: Qendrat e votimit do të jenë hapur derisa të votojë edhe anëtari i fundit

Shqipëria

Zgjedhjet për kryetar të PD/ Komisioni i Rithemelimit: Qendrat e votimit do të jenë hapur derisa të votojë edhe anëtari i fundit

Më: 22 maj 2022 Në ora: 09:31
Foto ilustrim

Komisioni i Rithemelimit ka bërë me dije se ka nisur procesi i votimit për kryetar të Partisë Demokratike në të gjithë vendin.

Në njoftim thuhet se procesi ka nisur normalisht dhe do të vijojë derisa të votojë edhe anëtari i fundit i PD.

Njoftimi i Komisionit të Organizimit dhe Kontrollit të Operacioneve Elektorale

Komisioni i Organizimit dhe Kontrollit të Operacioneve Elektorale, njofton se janë hapur të 108 qendrat e votimit në të gjitha degët e PD.

Procesi ka filluar e vijon normalisht.

Komisioni do të qëndrojë i mbledhur deri në fund të procesit të votimit, derisa të votojë edhe anëtari i fundit i PD për të monitoruar si dhe për të marrë cdo masë në kohë reale për cdo problematikë apo nevojë që mund të kenë degët.

Komisioni fton të gjithë anëtarët e Partisë Demokratike të bëhen pjesë e procesit më të rëndësishëm të zgjedhjes së Kryetarit të Partisë Demokratike me parimin “një anëtar një votë”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat