“Më vinte në lojë, ndaj nuk durova”/ Zbardhet dëshmia e policit që vrau kolegun brenda komisariatit

Shqipëria

“Më vinte në lojë, ndaj nuk durova”/ Zbardhet dëshmia e policit që vrau kolegun brenda komisariatit

Më: 24 maj 2022 Në ora: 15:36
Foto ilustrim

Polici Ludjan Zaimi 25 vjeç qëlloi me armë zjarri mbrëmjen e djeshme, kolegun Çaush Saliasi, 55 vjeç duke i shkaktuar vdekjen. 25-vjecari në dëshminë e tij para hetuesve ka deklaruar se me viktimën ka pasur përplasje herë pas here, dhe sipas tij 55-vjeçari e shante dhe ofendonte.

Ai shton se Saliasi konsumonte shpesh alkool.

“Po bënim instruktazhin në momentin kur ndodhi ngjarja. Çaushi vijoi me përsëritjen e fjalëve dhe veprimeve fyese ndaj meje, me shau nga familja dhe ofendime te tjera, nuk durova dhe e qëllova. Jam përplasur edhe më herët me të, edhe në kohën kur kemi qenë në krye të detyrës, pasi me ofendonte shpesh. Konsumonte alkool dhe shfaqte sjellje denigruese ndaj meje dhe e kam duruar gjate gjithë kohës. Jam penduar për veprimin që kam bërë, ishte moment dobësie dhe mungese të vetëpërmbajtjes nga ana ime”, ka thëne 25-vjeçari.

Ngjarja ka ndodhur mbrëmjen e djeshme, brenda komisariatit nr.3 në Tiranë, ku Zaimi ka shtëna 6 herë ndaj Çaush Saliasi, tre prej plumbave e kanë kapur në trup dhe i kanë shkaktuar vdekjen. 25-vjeçari është ndaluar menjëherë pas ngjarjes.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat