Vrasja e policit brenda në Komisariat, flet avokati i efektivit 25-vjeçar: Ishte shumë i tronditur, e pranoi që…

Shqipëria

Vrasja e policit brenda në Komisariat, flet avokati i efektivit 25-vjeçar: Ishte shumë i tronditur, e pranoi që…

Më: 26 maj 2022 Në ora: 12:07
Foto ilustrim

Avokati i policit 25-vjeçar, Ludjan Zaimi, i cili tre ditë më parë qëlloi për vdekje me armën e tij të shërbimit kolegun, Caush Saliasi brenda Komisariatit numër 3 në Tiranë është shfaqur i tronditur këtë të enjte gjatë seancës gjyqësore për rivlerësimin e masës së arrestit.

Avokati i tij ka konfirmuar se i riu është shprehur në gjykatë me pak fjalë, duke e pranuar krimin që ka kryer por nuk ka dhënë asnjë shkak për ngjarjen.

Në deklarimin e tij të shkurtër para trupës gjyqësore, avokati tha se klienti i tij ka treguar që merrte qetësues në kohën para se të ndodhte krimi.

“Pretendimi gjatë seancës, qëndrimi i tij është se e ka pranuar e ka bërë veprën e ka qenë në momentet e tronditjes emocionale, se kanë pasur e marrëdhënie shoqërore bashkë. Për momentin nuk e tha se pse, ishte shumë i tronditur.

Tha madje tha që kishte marrë dhe disa qetësues gjatë periudhës që ka qenë para veprës.

Seanca ishte shumë e shkurtër, tha se prej disa kohësh merrte qetësues. Nuk e përcaktoi por tha që merrte qetësues gjatë kohës përpara domethënë. Akuza e ngritur është vrasje me dashje”, tha avokati për mediat.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat