INSTAT: Më shumë femra dhe me diplomë universitare përballen me papunësinë

Shqipëria

INSTAT: Më shumë femra dhe me diplomë universitare përballen me papunësinë

Më: 26 maj 2022 Në ora: 15:46
Foto ilustrim

Papunësia tek të rinjtë në Shqipëri vijon të jetë problem.

Vetëm mes moshës 15 deri në 29 vjeç  rreth  70 mijë e 510 persona deri në mbyllje të vitit të shkuar  nuk kishin një punë.

Të rinjtë e papunë në  2021  sipas  Institutit të Statistikave u shtuan me 0.6% mes 15-24 vjeçarëve.Ndërsa tek moshat  25 deri 29 vjeç papunësia mbeti thuajse në të njëjtat nivele.

Gjetja e një punë në vendin tonë duket më e vështirë për femrat se për meshkujt.

Në shumë raste as diploma nuk ndihmon. Më shumë të papunë sipas të dhënave të INSTAT ka mes atyre që kanë mbaruar shkollën e lartë.

Ndiqen nga të rinjtë me arsim 9 vjeçar dhe më pas vijnë ata që kanë përfunduar gjimnazin.

Shqetësues mbetet fakti se mes personave  15- 29 vjeç të cilët nuk ishin të punësuar nuk po ndiqnin  as shkollën dhe as ndonjë formim profesional.

Në numrin e përgjithshëm të të rinjve në vendin tonë  Instituti i Statistikave thotë se këta zënë  26.1%.

Ndër arsyet që i mbajnë jashtë tregut renditen  përgjegjësitë familjare dhe dekurajimi  nga mos gjetja e një pune.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat