Tirana e boshatisur, qyteti i “dorëzohet” turistëve të huaj, qytetarët shqiptarë preferojnë plazhet

Shqipëria

Tirana e boshatisur, qyteti i “dorëzohet” turistëve të huaj, qytetarët shqiptarë preferojnë plazhet

Më: 26 qershor 2022 Në ora: 17:44
Foto ilustrim

I nxehti mbi 30 gradë në Tiranë ka risjellë rrugët e boshatisura këtë të diel. Shumica I janë drejtuar plazheve apo zonave të relaksit përqark kryeqytetit, ndërsa ato që kanë mbetur kanë preferuar të qëndrojnë në shtëpi për të shmangur vapën e mesditës. Ata që nuk bëjnë pushim janë dasmorët dhe karvanet e tyre që për një moment na sjellin trafikun e ditëve të tjera.

Në këtë hapësirë gjen mjaft turistë të huaj. Nga Kolumbia, Hungaria apo Austria, ato kanë zgjedhur kryeqytetin këto ditë për të vizituar siç thonë, muzetë, monumentet e kulturës dhe shijuar ushqimin e shijshëm.

Këta turistë (shihen duke hequr këpucët e futur në xhami) janë duke vizituar xhaminë e “Et’hem Beut”. Siç e kërkon rregulli, ata heqin këpucët në hyrje të vendit të shenjtë dhe vijojnë me ritet e nevojshme.

Qytetarët shqiptarë nga ana tjetër, u shprehën se do të shkojnë për pushime, e padyshim një nga plazhet më të frekuentuara do të jenë gjiret e Adriatikut, me Golemin në krye të preferencave të tyre.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat