“Rrugët në Shqipëri më të shtrenjta se në BE’- Presidenti Meta ngre alarmin

Shqipëria

“Rrugët në Shqipëri më të shtrenjta se në BE’- Presidenti Meta ngre alarmin

Më: 27 qershor 2022 Në ora: 16:18
Foto ilustrim

Presidenti i vendit Ilir Meta ka reaguar në lidhje me koncesionet e dhëna nga qeveria Rama, kryesisht ato për ndërtimin e rrugëve.

Përmes një postimi në facebook kreu i shtetit deklaron se PPP-të dhe koncesionet dëshmojnë qartësisht korrupsionin dhe klientelizmin qeveritar.

Presidenti shton gjithashtu faktin se kostoja e ndërtimit të rrugëve në Shqipëri është më e lartë se në vendet e Bashkimit Evropian, duke treguar qartazi abuzimin me fondet publike.

Postimi i plotë i Presidentit Meta:

Koncensionet dhe PPP-të po dëshmojnë qartësisht dhënien e tyre në mënyrë korruptive dhe klienteliste.

Këtë e tregon rritja e pandalshme e kostos së ndërtimit, kryesisht të rrugëve.

Fakti që ndërtimi i rrugëve në Shqipëri, koston më shtrenjtë se në vendet e Bashkimit Europian dhe të rajonit, është një tregues shumë domethënës i abuzimit me fondet publike.

Këto praktika janë shumë të dëmshme për ekonominë e vendit, veçanërisht për rëndimin e buxhetit të shtetit dhe rritjen e pandalshme të borxhit publik.

Është jetike të shtohen përpjekjet për të minimizuar dhënien e koncensioneve, forcimin e sundimit të ligjit dhe ndëshkimin e përgjegjësve në nivelet më të larta shtetërore të përfshirë në këto afera.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat