Konferenca e kryetarëve merr vendimin, Kuvendi mblidhet më 24 Korrik për betimin e Bajram Begajt si president

Shqipëria

Konferenca e kryetarëve merr vendimin, Kuvendi mblidhet më 24 Korrik për betimin e Bajram Begajt si president

Më: 4 korrik 2022 Në ora: 16:36
Bajram Begaj

Kuvendi i Shqipërisë do të mblidhet më 24 Korrik në një seancë për betimin e presidentit të zgjedhur Bajram Begaj.

Vendimi është marrë në mbledhjen e sotme të konferencës së kryetarëve.  Në mbledhje është përcaktuar programi i punës për periudhën 4 – 29 korrik 2022 dhe kalendari i punimeve për periudhën 11 – 29 korrik 2022.

Seanca ku do të betohet Bajram Begaj do të jetë e fundit për këtë sesion parlamentar. Po ashtu sot është vendosur të propozohet shtyrja e afatit të veprimtarisë së Komisionit të Posaçëm Parlamentar për Reformën Administrative-Territoriale në Republikën e  Shqipërisë deri në 30 shtator 2022.

Ish-Shefi i Shtabit të Përgjithshëm të Forcave të Armatosura, Bajram Begaj, u zgjodh presidenti i ri i Republikës me propozimin dhe mbështetjen e mazhorancës socialiste.

Ai dha dorëheqjen nga funksioni dhe gradat ushtarake vetëm pak orë para zhvillimit të seancës plenare më 4 qershor ku me 78 vota pro, 4 kundër dhe 1 abstenim u zgjodh presidenti i ri i vendit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat