Monika Kryemadhi: Inceneratori i Tiranës off shore! Rama truri i skemës korruptive për të përgatitur…

Shqipëria

Monika Kryemadhi: Inceneratori i Tiranës off shore! Rama truri i skemës korruptive për të përgatitur…

Më: 4 korrik 2022 Në ora: 18:48
Monika Kryemadhi

Kryetarja e Lëvizjes Socialiste për Integrim Monika Kryemadhi ka deklaruar ditën e sotme se korrupsioni në rastin e Inceneratorit të Fierit dhe Elbasanit ka qenë në mënyrë flagrante duke qenë se hapeshin kompani vetëm për tërheqjen e parave.

Ndërkohë ajo shtoi në Syri Tv se në rastin e Inceneratorit të Tiranës kemi të bëjmë me një skemë off shore. Ajo theksoi se Rama është bërë truri i skemës financiare duke menaxhuar dhe fshehur gjurmët e këtij operacioni për të përgatitur periudhën e fushatës zgjedhore të 2021.

“Korrupsioni i inceneratorit të Elbasanit dhe Fierit, hapeshin kompani, merreshin paratë, tërhiqeshin nga bankat e nivelit të dytë, mbylleshin kompanitë. Flagrante.

Sa i përket kësaj skeme, shumë më e vështirë, janë parë qindra mijëra fatura që janë analizuar. Inceneratori i Tiranës, është off shore.

Duket që pas inceneratorit të Elbasanit e Fierit, Rama është bërë truri i skemës financiare, për të menaxhuar e fshehur gjurmët e këtij operacioni financiar për të përgatitur periudhën e fushatës zgjedhore të 2021.

Unë jam e sigurt që koka e truri financiar i kësaj skeme, jo vetëm të evazionit fiskal dhe përdorimit të fondeve publike të buxhetit të shtetit, por është edhe truri i pastrimit të parave të drogës që përmes kompanive fiktive, kanë futur para të pista jashtë Shqipërisë.”-tha Kryemadhi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat