Ndoqi me thikë klientët në Sarandë/ 48 vjeçari nuk e kishte lokalin të regjistruar, AKU e gjobit me 300.000 lekë

Shqipëria

Ndoqi me thikë klientët në Sarandë/ 48 vjeçari nuk e kishte lokalin të regjistruar, AKU e gjobit me 300.000 lekë

Më: 8 gusht 2022 Në ora: 14:40
Foto ilustrim

Policia e Sarandës ka shpallur që prej ditës së sjeshme në kërkim pronarin e një lokali.

Bëhet fjalë për 48 vjeçarin me iniciale A.Ç, i cili ndoqi me thikë në dorë klientët, pasi këta të fundit kundërshtuan faturat e shtrenjta.

Pas kontrolleve të ushtruara në biznesin e 48 vjeçarit, rezultoi se ai e ka pasur lokalin të paregjistruar në organet tatimore.

Po ashtu, ai është gjobitur nga AKU me vlerën 300.000 lekë.

Policia bën me dije se po vijion puna për kapjen e pronarit të lokalit.

“Nga specialistët për Hetimin e Krimeve në Komisariatin e Policisë Sarandë u referuan materialet shtesë në Prokurori, për shtetasin e shpallur në kërkim A. Ç., 48 vjeç, pasi gjatë kontrollit në subjektin e tij, ku ditën e djeshme ky shtetas kanosi me mjet prerës thikë, disa klientë, shërbimet e Policisë kanë konstatuar se ky shtetas ushtronte aktivitetin pa u regjistruar në organet tatimore.

Gjithashtu, nga specialistët e AKU-së iu vendos masa administrative 300.000 lekë të rinj. Vijon puna për kapjen e shtetasit A. Ç”, njofton policia.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat