Vrasja pas sherrit banal në Maliq, flet vëllai i autorit: Më vjen turp. Unë erdha me pushime dhe…

Shqipëria

Vrasja pas sherrit banal në Maliq, flet vëllai i autorit: Më vjen turp. Unë erdha me pushime dhe…

Më: 9 gusht 2022 Në ora: 08:22
Foto ilustrim

Sherri banal i ka kushtuar jetën një tjetër qytetari, këtë herë në Maliq. Ngjarja e rëndë ndodhi mbrëmjen e të hënës, ku Velo Hazisllari goditi me thikë bashkëfshatarin e tij, Nesti Sotirin i cili edhe pse u dërgua në spitalin e Korçës, nuk i mbijetoi plagëve të marra.

Edhe Velo Hazisllari aktualisht është shtruar në Spital për shkak të dëmtimeve të marra.

Vëllai i autorit duke folur para gazetarëve, është shprehur i tronditur dhe tregoi se ngjarjen e ka mësuar përmes televizionit.

Ai tha se kishte shkuar për pushime në Maliq dhe se vetëm një ditë e kishte takuar të vëllanë.

“Çfarë të të them, jam i tronditur. Të vritesh për këto gjëra. Më vjen turp. Unë erdha me pushime dhe ndodhi kjo që ndodhi. Në vitet që kam qenë unë, ata të dy kanë qenë miq e kanë pasur raporte shumë të mira me njëri-tjetrin”, ka treguar ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat