Një nga personat më të kërkuar nga drejtësia/ Kush është Ervis Martinaj, nga dëshmia e Dumanit te ekzekutimi mafioz i kushëririt

Shqipëria

Një nga personat më të kërkuar nga drejtësia/ Kush është Ervis Martinaj, nga dëshmia e Dumanit te ekzekutimi mafioz i kushëririt

Më: 11 gusht 2022 Në ora: 14:40
Ervis dhe Brilant Martinaj

Ervis Martinaj është sot një nga emrat më të kërkuar në Shqipëri. Nga dita e sotme veprave penale që rëndojnë në ngarkim të tij, i është shtuar një denoncim nga ana e familjarëve të Martinaj që thonë se nuk kanë asnjë kontakt me të afërmin e tyre duke vënë në lëvizje uniformat blu për gjetjen e tij.

Ka qenë xhaxhai i Ervis Martinajt, Faik Martinaj i cili i është drejtuar uniformave blu duke kërkuar ndihmë pasi shprehet se prej tre ditësh nuk ka pasur kontakt me nipin e tij.

Por kush është Ervis Martinaj

Emri i tij është lakuar shpesh për ngjarje të ndryshme kriminale të ndodhura në vendin tonë. Ai ishte i pranishëm në vrasjen e ndodhur në zonën e ish-Bllokut në kryeqytet ku mbeti i vrarë shoku i tij Fabiol Gaxha. Merviol Billo nxori armën duke qëlluar për vdekje në drejtim të Gaxhës, ndërkohë që i plagosur mbeti edhe vetë Martinaj.

Pak muaj më parë, emri i Martinajt doli në dëshminë e të penduarit të drejtësisë Nuredin Dumani i cili u tha hetuesve se kishte marrë një porosi nga ana e tij për të vrarë Endrit Doklen në këmbim të një shume të majme që kapte vlerën e 500 mijë eurove.

Disa javë më parë, Martinajt i ekzekutuan kushëririn Brilant Martinaj në një atentat mafioz në mbikalimin e Fushë-Krujës. 22-vjeçari u vra bashkë me dy miqtë e tij Besmir Hoxhën dhe Diklen Vatën. Autorët qëlluan me breshëri plumbash në drejtim të tyre, ndërsa automjeti ku po udhëtonin tre viktimat u shkrumbua nga flakët.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat