Deficit i lartë tregtar, Shqipëria importon dyfish më shumë sesa eksporton

Shqipëria

Deficit i lartë tregtar, Shqipëria importon dyfish më shumë sesa eksporton

Më: 18 gusht 2022 Në ora: 17:01
Foto ilustrim

Çmimet e larta kanë thelluar deficitin tregtar të Shqipërisë.

Ajo në korrik ka importuar dy herë më shumë sesa ka eksportuar mallra.

Në total vlera e importeve arrin 700 milionë euro, ndërsa shitjet e mallrave jashtë rezultojnë 334 milionë euro.

Deficiti tregtar është 366 milionë euro, shkruan Euronews, përcjell Klankosova.tv

Sasia e mallrave që ka hyrë në Shqipëri ka mbetur në të njëjtat nivele me një vit më parë, por rritja e çmimeve ka bërë që importet për korrikun të jenë 14 për qind më shumë se vitin e shkuar.

Peshën kryesore e ka pasur blerja e karburanteve, energjisë elektrike dhe ushqimeve.

Nga ana tjetër, Shqipëria ka shitur jashtë materiale ndërtimi, minerale, naftë bruto dhe makineri e pajisje, por ajo që ka dominuar eksportet vendase në këtë periudhë është industria tekstile, e cila ishte zhytur në rënie gjatë dy viteve të pandemisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat