Hetimi për privatizimin e ish-kompleksit Partizani, Sali Berisha: Do paraqitem në SPAK sa herë të më thërrasin

Shqipëria

Hetimi për privatizimin e ish-kompleksit Partizani, Sali Berisha: Do paraqitem në SPAK sa herë të më thërrasin

Më: 22 shtator 2022 Në ora: 12:27
Ish-kryeministri Sali Berisha

Ish-kryeministri Sali Berisha është në listën e personave që do të merren në pyetje nga SPAK për hetimin në lidhje me padinë e bërë për privatizimin e ish-kompleksit Partizani.

Berisha është shprehur ditën e sotme për gazetarët jashtë seancës plenare se do të paraqitet në SPAK sa herë ta thërrasin.

Ai ka theksuar se kryeministri Edi Rama përpiqet të mbulojë aferat e tij me çështje të tilla.

“Do paraqitem në SPAK sa herë të më thërrasin. Edi Rama përpiqet të mbulojë aferat e tij me çështje të tilla”, është shprehur Berisha.

Berisha do të thirret në SPAK për të dëshmuar javën e ardhshme bashkë me ish-ministrin Arben Imami.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat