Privatizimi i ish-kompleksit Partizani, SPAK merr në pyetje ish-ministrin e Ekonomisë, Genc Ruli

Shqipëria

Privatizimi i ish-kompleksit Partizani, SPAK merr në pyetje ish-ministrin e Ekonomisë, Genc Ruli

Më: 27 shtator 2022 Në ora: 10:43
Genc Ruli

Ish-ministri i Ekonomisë, Genc Ruli ka mbërritur në Prokurorinë e Posaçme kundër korrupsionit dhe krimit të organizuar.

Mësohet se Ruli është thirrur nga SPAK për tu marrë në pyetje në kuadër të hetimeve që po kryhen për çështjen e privatizimit të kompleksit “Partizani”.

Hetimet për privatizimin e kompleksit ‘Partizani’, dërguan dje në SPAK edhe ish-gjeneralin Vladimir Qirjazi. Qirjazi, i cili mbante postin e komandantit të Komandës Mbështetëse në kohë kur u privatizua kompleksi Partizani, refuzoi të nënshkruajë kontratën e shitjes të cilën ai e konsideroi të paligjshme.

Gjatë javës së kaluar u pyetën edhe dy ish ministrat e mbrojtjes së qeverisë Berisha, Fatmir Mediu dhe Gazmend Oketa. Ndërkohë që SPAK nuk ka konfirmuar ende se kur do i pyesë të kallëzuarit Sali Berisha ish kryeministër, dhëndrin e tij Jamarbër Malltezi dhe Arben Imami ish ministër i mbrojtjes

Në krye të dy viteve nga denoncimi i socialistit Taulant Balla, SPAK ka kohë deri në nëntor të këtij viti për tu shprehur për dosjen e regjistruar për shpërdorim detyre.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat