Mediu takim me ambasadoren Kim në Kuvend: Ramë dakord për rëndësinë e financimit transparent të partive politike

Shqipëria

Mediu takim me ambasadoren Kim në Kuvend: Ramë dakord për rëndësinë e financimit transparent të partive politike

Më: 28 shtator 2022 Në ora: 17:17
Foto nga takimi

Kryetari i Partisë Republikane Fatmir Mediu ka zhvilluar një takim punë në ambientet e Kuvendit të Shqipërisë me Ambasadoren Amerikane në Tiranë Yuri Kim dhe sekretarin Michael Ball.

Gjatë takimit, kryediplomatja amerikane shprehu shqetësimin e saj për ndikimet ruse në financimin e partive politike. Po ashtu, në takim u ra dakord për rëndësinë e financimit transparent të partive politike dhe shmangien e ndikimit të aktorëve të huaj në zgjedhjet dhe politikën shqiptare.

Mësohet se bashkëbiseduesit ranë dakord për nevojën e një demokracie funksionale si dhe rolin e rëndësishëm të opozitës.

Mediu e informoi Ambasadoren Kim dhe zotin Ball, për vizitën e deputetëve shqiptarë të grupit IPAC në SHBA me ftesë të senatorëve amerikanë Menendez dhe Rubio.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat