Zgjedhjet e ardhshme/ Meta garanton: Mbi 50 për qind e kandidatëve të Partisë së Lirisë në këshillat vendore do të jenë të rinj

Shqipëria

Zgjedhjet e ardhshme/ Meta garanton: Mbi 50 për qind e kandidatëve të Partisë së Lirisë në këshillat vendore do të jenë të rinj

Më: 1 tetor 2022 Në ora: 19:32
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta ka garantuar se mbi 50 për qind e kandidatëve të PL-së në këshillat vendore do të jenë të rinj e te reja.

Gjatë një takimi me anëtarët e rinj të kësaj force politike, Meta u shpreh se shume shpejt do të fuqizojnë rolin e të rinjve në vendimmarrje.

Sipas tij, Partia e Lirisë do të bëjë gjithçka për t’u dhënë përfaqësimin e merituar të rinjve në vendimmarrje.

“Kënaqësi të dëgjoja sot disa nga anëtarët më të rinj të Partisë së Lirisë.

Përfshirja e të rinjve në Partinë e Lirisë do të fuqizojë rolin e tyre në vendimmarrje shumë shpejt. Pak muaj na ndajnë nga zgjedhjet vendore dhe rikthimi i opozitës dhe pluralizmit politik në Bashkitë tona.

I garantova se mbi 50 për qind e kandidatëve tanë në këshillat vendore do të jenë të rinj dhe të reja.

Partia e Lirisë do të bëjë gjithçka për t’u dhënë përfaqësimin e merituar të rinjve në vendimmarrje.

Të rinjtë do të jenë Fuqia e Ndryshimit dhe Ndryshimi do të fillojë nga Tirana”, shkruan Meta në Facebook.

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat