Reforma Territoriale/ Yuri Kim takohet sot me disa deputetë të Partisë Demokratike

Shqipëria

Reforma Territoriale/ Yuri Kim takohet sot me disa deputetë të Partisë Demokratike

Më: 5 tetor 2022 Në ora: 10:26
Foto nga takimi

Ditën e sotme, ambasadorja amerikane në Shqipëri, Yuri Kim do të takohet me disa deputetë të Partisë Demokratike.

Në orën 12:00, ambasadorja do të takohet me Enkelejd Alibeajn, Dhurata Çupin dhe disa depuetë të tjerë. Takimi, i cili ende nuk dihet se ku do të zhvillohet, do të realizohet në kuadër të Reformes Territoriale. Grupi i Alibeajt ka prezantuar raportin final, ku kanë propozuar për shtimin e 31 bashkive në 10 qarqe dhe ndarjen e vendit në 3 ose 6 rajone.

Sipas propozimit, në qarkun Berat shtohen 2 bashki, në Dibër 4, në Durrës 2 bashki, në Elbasan 3, në qarkun Fier 4, Korçës i shtohen 5 bashki, Kukësit 2, Lezhës 4 dhe Vlorës 4 bashki të reja. Qarku më i madh i vendit, Tirana sipas ekspertëve të PD duhet të ketë 3 Bashki më shumë, Farkë, Dajt e Kashar.

I pandryshuar mbetet qarku i Gjirokastrës dhe Shkodra, vendim të cilin e argumentojnë si dëshirë të qytetarëve. Po sot, deputeti i Partisë Demokratike, Enkelejd Alibeaj do të takohet edhe me Presidentin Bajram Begaj.

Në orën 18.00 pritet të zhvillohet takimi i kreut të grupit demokrat, Enkelejd Alibeaj me presidentin, në kuadër të zgjedhjeve lokale.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat