Mori nënshtetësinë shqiptare, Dua Lipa: Gëzim i papërshkrueshëm dhe një nder i madh

Shqipëria

Mori nënshtetësinë shqiptare, Dua Lipa: Gëzim i papërshkrueshëm dhe një nder i madh

Më: 27 nëntor 2022 Në ora: 16:33
Foto nga vendngjarja

Nga sot, ylli i muzikës botërore, Dua Lipa zotëron edhe nënshtetësinë shqiptare. Këngëtarja shqiptare u betua si shtetasja më e re shqiptare para kryetarit të Bashkisë së Tiranës, Erion Veliaj.  “Faleminderit shumë! Është një gëzim i papërshkrueshëm dhe një nder shumë i madh.

Jam shumë e emocionuar nga mikpritja, dashuria, mbështetja. Mezi pres koncertin e nesërm“, tha Dua. Më herët, Dua u mirëprit nga presidenti e Republikës Bajram Begaj, i cili vlerësoi thjeshtësinë e saj. “Është kënaqësi e veçantë që sot presim artisten e madhe Dua Lipa.

Them artiste e madhe, por ajo është edhe një vajzë e thjeshtë, që krenarinë më të madhe na e ka dhënë ne, Shqipërisë, Kosovës dhe kudo ku ka shqiptarë nëpër botë. Rinia shqiptare ju ka shembull dhe ju keni treguar se ëndrrat arrihen duke punuar gjithnjë e më shumë.

Ti i ke bërë të gjithë shqiptarët bashkë! Ndaj kam kënaqësinë t’ju jap shtetësinë shqiptare”, u shpreh Begaj. Kujtojmë që Dua do të performojë në sheshin Skënderbej nesër më 28 Nëntor. Dua ka vendosur ta bëjë mbylljen e turneut të saj botëror “Future Nostalgia” në tokën shqiptare

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat