“Do të të vras…”/ Kanosi nipin e tij, arrestohet 57 vjeçari! Çfarë iu gjet brenda shtëpisë

Shqipëria

“Do të të vras…”/ Kanosi nipin e tij, arrestohet 57 vjeçari! Çfarë iu gjet brenda shtëpisë

Më: 30 nëntor 2022 Në ora: 10:15
Në pranga ka rënë I. S., 57 vjeç, banues në Kavajë

Një 57-vjeçar është vënë në pranga nga policia pasi ka kanosur nipin me armë. Ka qenë vetë 30-vjeçari A.S., që ka kallëzuar ngjarjen në polici dhe si rrjedhojë është organizuar operacioni i koduar Property”.

Në pranga ka rënë I. S., 57 vjeç, banues në Kavajë, ndërsa sipas policisë ngjarja ka ndodhur për motive pronësie.

“Shërbimet e Komisariatit të Policisë Kavajë, pas marrjes së kallëzimit nga shtetasi A. S., 30 vjeç, se xhaxhai i tij e kishte kanosur se do ta vriste, për motive pronësie, menjëherë kanë organizuar punën dhe kanë finalizuar operacionin policor të koduar “Property”, në kuadër të të cilit u bë kapja dhe arrestimi i shtetasit:– I. S., 57 vjeç, banues në Kavajë”-njofton policia.

Gjatë kontrollit të banesës së 57-vjeçarit, efektivët e Policisë gjetën dhe sekuestruan, në cilësinë e provës materiale, një armë zjarri automatik, dy krehra dhe municion luftarak.

Materialet procedurale i kaluan Prokurorisë, për veprime të mëtejshme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat